Gartehüsli-Forum
„ÄUÄ“ Seife för d Manne NOV 11, 2023
Zitat von Barbara Christa Roth am 11. November 2023, 9:57 UhrSeife mit glöifige Bärner Usdrück!
Liebi Läserinne, liebe Läser und Seifefründe!
Hie chunt es ganz nöis Produkt u derzue chunts no uf Bärndütsch derhär. Heit der scho einisch probiert, e chli Bärndütsch z verstah oder z läse? Hää, was söu das? dänket dir itz viellech. Mau ehrlech, äs isch ou für me chli komisch – be zwar e waschächti Bärnere, schriibe aber ou nur sältä i mim Dialäkt – , aber hie geits haut um Bärnerseife u hie rede mer gärn Bärndütsch. Siter aui zwäg, liebi Seifefründe? Apropos «Zwäg» finde-n-i es zwägs Wort. Wie «äuä» ischs es typisches Dialäkt-Wort. U usserdäm – o wie «äuä» – eis, wo me ganz ungerschiedlech cha bruuche. Je nachdäm, wo mes y-setzt, hets e ganz anderi Bedütig.
Ersch grad het me no dusse ar warme Sunne gschwitzt, itz geits schon wieder stotzig gäge ds Jahresänd zue. Eh-nu, de ischs haut so. Ig fröie me usserordentlech, öich di erschti Seifä vo derä nöiä Kategorie dörfe z‘zeige.
Si isch gmacht nach däm feine Rezäpt: Drinne isch: Oliveöl, Kokos, Ärdnuss, Sheaanke, Schmauz, Rizinus, Himalayasole, NaOH, Zucker, Syde. Dr Duft schmöckt zouberhaft nach Dark Opium. D Überfettig isch 9%.
Dark Opium isch z Parfüm Dupe zum Black Opium vo Yves Saint Laurent. Ä warme orientalisch-würzige Duft mit Chopfnote vo rosa Pfäffer, Orangscheblüte und Bire, wo zumenä Härz us Orchideä und Gaffee (Kaffee) und ärä üppige Basis vo Amber, Patchouli, Vanille und Zeder fühert. Z Rezäpt ergit übrigens ä wundervoll, cremigi Seife. Dr Schuum isch würklech sehr dicht u fluffig. Das hani haut bsunders gärn, vor allem i dr chaute Jahreszyt. Was för äs entspannts Seifeexperimänt… alles het so super klappet, wüu gwüssi Seife, das chöit ihr mir gloube, schriisse mängisch totau a minä Närve, aber mit däm Seifeli hani tiefäentspannt chönne schaffe u d`Härstellig het mi ned schweissbadet i Sässu lo sinke.
Mir si natürläch gwundrig wis hie wyter geit mit üsne bärndütsche Wörter oder? U im Alltag tüe-mer doch chli die schöne Bärndütsche Usdrück forssiere: Anke säge – mer, nid Butter, Rytigampfi nid Schaukel, Sandelizüüg nid Eimerchen und Spaten, Ischgrem nid Eis, Zmorge nid Frühstück … i gibe mr alli Müeh. Abee isch Toilette, Löu isch Trottel, Tschugger isch Polizist, dr Gring isch dr Kopf, Düüssele bedütet sich lautlos fortbewegen…. ! Bim nächschte mau geits natürlech wyter im Texscht!
Dir merket scho, i bi sehr zfriede……u wenn d Seifemacherin glücklech isch, bruchts o keiner vieler Wort meh. Drum säge – ni a dere Stell adiö mitenang und ig wünsche Euch no ä wundervolli Zyt, vieu Gesundheit, Fröid und Wohlstand!
Wär Fröid hätti dranne, hie geits zu mym churze Videöli be Instagram: https://www.instagram.com/reel/CzgImAbtU2z/?utm_source=ig_web_copy_link&igshid=MzRlODBiNWFlZA==
Bis zum nächschte Mau, … u wie immer sägi a dere Stell bis zur nächschte Seife. Härzleche Dank für dini Ufmerksamkeit und dis Vertroue i mini Arbeit.
ERGÄNZiG: Das möcht ig öich jitz no umbedingt zeige liebi Gartehüslifründe.... d ÄÜÄ-Seife isch momentan ja no im Ryfeprozäss.... itz müesst ihr mau luege, wie wunderschöööön sech di bruni Farb vo Tag zu Tag tuet verändere....
Liebi kreativi Grüess
Seife mit glöifige Bärner Usdrück!
Liebi Läserinne, liebe Läser und Seifefründe!
Hie chunt es ganz nöis Produkt u derzue chunts no uf Bärndütsch derhär. Heit der scho einisch probiert, e chli Bärndütsch z verstah oder z läse? Hää, was söu das? dänket dir itz viellech. Mau ehrlech, äs isch ou für me chli komisch – be zwar e waschächti Bärnere, schriibe aber ou nur sältä i mim Dialäkt – , aber hie geits haut um Bärnerseife u hie rede mer gärn Bärndütsch. Siter aui zwäg, liebi Seifefründe? Apropos «Zwäg» finde-n-i es zwägs Wort. Wie «äuä» ischs es typisches Dialäkt-Wort. U usserdäm – o wie «äuä» – eis, wo me ganz ungerschiedlech cha bruuche. Je nachdäm, wo mes y-setzt, hets e ganz anderi Bedütig.
Ersch grad het me no dusse ar warme Sunne gschwitzt, itz geits schon wieder stotzig gäge ds Jahresänd zue. Eh-nu, de ischs haut so. Ig fröie me usserordentlech, öich di erschti Seifä vo derä nöiä Kategorie dörfe z‘zeige.
Si isch gmacht nach däm feine Rezäpt: Drinne isch: Oliveöl, Kokos, Ärdnuss, Sheaanke, Schmauz, Rizinus, Himalayasole, NaOH, Zucker, Syde. Dr Duft schmöckt zouberhaft nach Dark Opium. D Überfettig isch 9%.
Dark Opium isch z Parfüm Dupe zum Black Opium vo Yves Saint Laurent. Ä warme orientalisch-würzige Duft mit Chopfnote vo rosa Pfäffer, Orangscheblüte und Bire, wo zumenä Härz us Orchideä und Gaffee (Kaffee) und ärä üppige Basis vo Amber, Patchouli, Vanille und Zeder fühert. Z Rezäpt ergit übrigens ä wundervoll, cremigi Seife. Dr Schuum isch würklech sehr dicht u fluffig. Das hani haut bsunders gärn, vor allem i dr chaute Jahreszyt. Was för äs entspannts Seifeexperimänt… alles het so super klappet, wüu gwüssi Seife, das chöit ihr mir gloube, schriisse mängisch totau a minä Närve, aber mit däm Seifeli hani tiefäentspannt chönne schaffe u d`Härstellig het mi ned schweissbadet i Sässu lo sinke.
Mir si natürläch gwundrig wis hie wyter geit mit üsne bärndütsche Wörter oder? U im Alltag tüe-mer doch chli die schöne Bärndütsche Usdrück forssiere: Anke säge – mer, nid Butter, Rytigampfi nid Schaukel, Sandelizüüg nid Eimerchen und Spaten, Ischgrem nid Eis, Zmorge nid Frühstück … i gibe mr alli Müeh. Abee isch Toilette, Löu isch Trottel, Tschugger isch Polizist, dr Gring isch dr Kopf, Düüssele bedütet sich lautlos fortbewegen…. ! Bim nächschte mau geits natürlech wyter im Texscht!
Dir merket scho, i bi sehr zfriede……u wenn d Seifemacherin glücklech isch, bruchts o keiner vieler Wort meh. Drum säge – ni a dere Stell adiö mitenang und ig wünsche Euch no ä wundervolli Zyt, vieu Gesundheit, Fröid und Wohlstand!
Wär Fröid hätti dranne, hie geits zu mym churze Videöli be Instagram: https://www.instagram.com/reel/CzgImAbtU2z/?utm_source=ig_web_copy_link&igshid=MzRlODBiNWFlZA==
Bis zum nächschte Mau, … u wie immer sägi a dere Stell bis zur nächschte Seife. Härzleche Dank für dini Ufmerksamkeit und dis Vertroue i mini Arbeit.
ERGÄNZiG: Das möcht ig öich jitz no umbedingt zeige liebi Gartehüslifründe.... d ÄÜÄ-Seife isch momentan ja no im Ryfeprozäss.... itz müesst ihr mau luege, wie wunderschöööön sech di bruni Farb vo Tag zu Tag tuet verändere....
Liebi kreativi Grüess
Hochgeladene Dateien: